Connect with us

ЖК комитети Жээнбек Кулубаевдин талапкерлигин жактырды

Кыска кабар | 26 Апр 2022 | 242 | 0

Бүгүн, 26-апрелде Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер боюнча комитети тышкы иштер министри кызматына Жээнбек Кулубаевдин талапкерлигин карады.

Ал тууралуу Президенттин жана министрлер кабинетинин парламенттеги өкүлү Алмасбек Абытов маалымат берди.

Комитет мүчөлөрү Кулубаевди министр кызматына дайындоого макулдук берди. Чечим парламенттин кароосуна жөнөтүлдү.

25-апрелде Жогорку Кеңештин Эл аралык иштер, коргоо, коопсуздук жана миграция боюнча комитети Кулубаевдин талапкерлигин жактырган.

Жээнбек Кулубаев 22-апрелде тышкы иштер министринин милдетин аткаруучу болуп дайындалды. Ага чейин президенттик аппараттын тышкы саясат бөлүмүнүн башчысы болуп иштеген.

Тышкы иштер министри Руслан Казакбаев кызматтан кетти

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM