Connect with us

Үзүр Жусупбеков Азия биринчилигинде коло медаль алды

Кыска кабар , Спорт | 20 Апр 2022 | 407 | 0

Монголиянын Улан-Батор шаарында өтүп жаткан күрөш боюнча Азия биринчилигинде грек-рим күрөшүнөн 97 кг салмакта Үзүр Жусупбеков коло медаль тагынды.

Үзүр Жусупбеков алгачкы беттешинде индус балбан Рави Равини 3:1 эсебинде утуп, жарым финалга өткөн. Экинчи кармашында Ирандын балбаны Мехди Мохаммад Балихамзедеге 4:1 эсебинде алдырып жиберип, коло байге үчүн күрөшө турган болгон.

Коло үчүн кармашта корей балбаны Жево Пакты 10:1 эсебинде биринчи 3 мүнөттө эле жеңип алды.

Азия чемпиондугунун грек-рим күрөшү боюнча беттештери бүгүн аяктады. Кыргызстандан барган 10 балбандын алтоо медаль алды. Учурда өлкөнүн байге куржунунда 3 алтын, 3 коло медаль бар.

Эртең кыз-келиндер күрөшү боюнча балбан кыздар Мээрим Жуманазарова менен Айпери Медет кызы килемге чыгат.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM