Yaşar Doğu-2022: Мээрим Жуманазарова күмүш медаль алды

Түркиянын Стамбул шаарында өтүп жаткан Yasar Dogu, Vehbi Emre, Hamit Kaplan турниринде Кыргызстандын балбан кызы Мээрим Жуманазарова күмүш медаль алды.

Кыз-келиндер күрөшү боюнча 68 кг салмакта күч сынашкан Мээрим Жуманазарова финалдык беттеште Нигериядан келген Блессинг Обордудуга 0:3 эсебинде утулуп калды.

Кыргызстандын балбан кызы дароо чейрек финалдык беттештен баштап, Орусиянын балбан кызы Татьяна Смоляктын далысын килемге басып, мөөнөтүнөн мурда жеңген.

Ал эми жарым финалда эзелки атаандашы Ханум Велиевага кайра туш келген. Беттеш 5:5 эсебинде жыйынтыкталып, 4 упай жасаганы жана акыркы аракети үчүн жеңиш Мээрим Жуманазаровага ыйгарылган.

Белгилей кетсек, бул турнир рейтингдик беттеш болуп эсептелет. Спортчулар алган упайларына жараша 2022-жылдын дүйнөлүк рейтингиндеги ордун аныктайт.