Биз менен байланышыңыз

Эркин Тавашаров «Электр станциялары» ишканасына жетекчи болду

Кыска кабар | 25 Янв 2022 | 284 | 0

Эркин Тавашаров «Электр станциялары» ачык акционердик коомуна жетекчи болуп дайындалды. Бул тууралуу аталган ишкананын басма сөз кызматы кабарлады.

Маалыматка ылайык, Тавашаров 2021-жылдын февралынан бери «Электр станцияларын» башкарып келген Талайбек Бектеновдун ордуна келген.

Эркин Тавашаровдун жогорку техникалык билими бар. Ал Жалал-Абад мамлекеттик университетинин инженердик факультетин, Чехиядагы Брно техникалык университетин жана Малайзия университетин бүтүргөн. Эмгек жолун 1999-жылы Токтогул ГЭСинде электрик кызматынан баштаган.

«Электр станцияларына» дайындалганга чейин Энергетика министрлигине караштуу Энергетика, тоо-кен көзөмөлү жана өнөр жай коопсуздугу боюнча мамлекеттик инспекциясынын директору болуп иштеген.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM