Саясатчы Бактыбек Калмаматов абактан бошотулду

Камактагы саясатчы Бактыбек Калмаматов соттун чечими менен бошотулду. Бул тууралуу «Азаттык» партиясынын лидери Исмаил Исаков «Маралга» кабарлады.

Бүгүн, 20-январда Бишкек шаардык сотунун коллегиясы Калмаматовдун баш коргоо чарасын өзгөртүп, аны үй камагына чыгарды.

Бишкектеги Биринчи Май райондук сотунда 11-январда камактагы саясатчы Бактыбек Калмаматовдун кармалышынын мыйзамдуулугу боюнча жактоочуларынын арызы каралып, аны бошотуу өтүнүчү канааттандырылган эмес.

Бактыбек Калмаматов 22-декабрда түнкүсүн «Манас» аэропортунан кармалган. Ага «расалык, этностук, улуттук, диний же аймактар аралык кастыкты козутуу» беренеси менен айып тагылган.

Саясатчынын тарапташтары коюлган айыпты четке кагып, саясий куугунтук катары сыпаттап келишет.