Чүйдө турак үй толугу менен өрттөндү

Ысык-Ата районунун Туюк айылында турак үй өрттөндү. Бул тууралуу Өзгөчө кырдаалдар министрлигинин басма сөз кызматы билдирди.

Кырсык бүгүн, 11-январдын түнүндө болгон. Өрт чыкканы тууралуу маалымат ӨКМдин райондук бөлүмүнө түнкү саат 1:32де түшкөн.

Жерине министрликтин бир бөлүмү барып, өрттү 3:53тө өчүрүшкөн. Аянты 180 чарчы метр турак үй толук өрттөнүп кеткен.