Казакстанда каза болгондордун арасында 18-19 жаштагы жоокерлер да бар

Казакстандын Ички иштер министрлиги тополоңдо каза болгон 7 полиция кызматкеринин аты-жөнүн жарыялады. Алардын арасында 18 жана 19 жаштагы жоокерлер да бар.

Алар:

— 1988-жылы туулган милициянын капитаны Рахат Сланбеков;

— 1988-жылы туулган ИИМдин начальниги Ринат Камбетов;

— 1993-жылы туулган милициянын ага сержанты Асылханов Ален;

— 1994-жылы туулган милициянын кенже сержанты Нурболсын Алмасов;

— 1976-жылы туулган прапорщик Ербол Ержанов;

— 2002-жылы туулган катардагы аскер кызматкери Кайсаров Мадияр;

— 2003-жылы туулган катардагы аскер кызматкери Аманов Айбат.

Кошумчалай кетсек, Казакстанда массалык нааразылык акциялары 2022-жылдын алгачкы күндөрүндө башталган. Алгач өлкөнүн батышындагы Жаңы-Өзөн жана Актау шаарларынын тургундары суюлтулган газдын эки эсе кымбатташына каршы чыгышып, андан соң нааразылык акциялары башка шаарларга да жайылган. Алматыда 4-5-январда коопсуздук кызматкерлери менен кагылышуу болуп, полиция газ жана үн чыгаруучу гранаталарды колдонгон. Казакстанда интернет өчүрүлүп, бир катар телеканалдардын көрсөтүүсү убактылуу токтотулган. 19-январга чейин Казакстанда өзгөчө абал режими киргизилген.