Бишкек: Кайра шайлоого 13 талапкер катышуу ниетин билдирди

Борбордук шайлоо комиссиясына Бишкек шаарынын Свердлов жана Биринчи май округдары боюнча кайра шайлоого катышуу үчүн арыз тапшыргандардын саны 13кө жетти.

4-январга карата беш жарандан талапкер болуу тууралуу арыз түштү. Алар:

— №29 Свердлов райондук округунан Эдил Бейшенбаев;

— №27 Биринчи май округунан Рысбай Аматов;

— №27 Биринчи май округунан Русланбек Акылбеков;

— №29 Свердлов райондук округунан Муратбек Султанбеков;

— №27 Биринчи май округунан Адылбек Гапаров.

Буга чейин төмөнкү жарандар өз талапкерлигин көрсөткөн: 

— №29 Свердлов райондук округунан Назгү Жолдошова;

— №27 Биринчи май округунан НурбекТоктакунов;

— №29 Свердлов райондук округунан Жаныбек Асанбеков;

— №27 Биринчи май округунан Шадыкан Жакыпбеков;

— №29 Свердлов райондук округунан Гуля Алмамбетова;

— №27 Биринчи май округунан Элвира Сурабалдиева;

— №27 Биринчи май округунан АнварСартаев;

— №29 Свердлов райондук округунан Жусубалы Керимбаев.

Боршайкомдун маалыматына караганда, бир мандаттуу шайлоо округдары боюнча депутаттыкка талапкерлерди көрсөтүү добуш берүү күнүнө 30 календардык күн калганга чейин, башкача айтканда, 27-январь саат 18:00дө аякташы керек.

Талапкерди каттоо үчүн документтер БШКга 30-январь саат 18:00гө чейин берилүүгө тийиш.

27-февралда Бишкектин №27 Биринчи май жана №29 Свердлов районунда бир мандаттуу шайлоо округдары боюнча Жогорку Кеңештин депутаттарын кайра шайлоо өтөт.

Аталган округдарда 28-ноябрда өткөн шайлоодо «бардыгына каршы» болгондор басымдуулук кылган. Мыйзам боюнча мындай учурда кайра шайлоо өткөрүлөт.