Биз менен байланышыңыз

1-декабрдан тарта Ош шаарында жол кире көтөрүлөт

Кыска кабар | 25 Ноя 2021 | 226 | 0

Ош шаарында маршруттук унаалардын жол киреси 15 сомго көтөрүлдү. Бул тууралуу мэриянын басма сөз кызматы билдирди.

Токтом Ош шаардык кеңешинин бүгүн, 25-ноябрда өткөн кезексиз сессиясында кабыл алынды. Отурумда вице-мэр Сонунбек Жунусбаев күйүүчү май, унаа тетиктеринин кымбаттаганына байланыштуу көпчүлүк айдоочулар каттамга чыгуудан баш тартып жатканын айткан.

Бир катар талкуулардан соң, маршруттук кичи автобустарга жол кирени күндүзгү убакыт үчүн 15 сомго, кечки 19:00дөн 21:00гө чейин 20 сомго көтөрүп беришти. Ал эми мектеп окуучуларына тариф 5 сом бойдон калды.

Жаңы тариф 1-декабрда күчүнө кирет.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM