Жаңы коргоо министри менен Чек ара кызматынын башчысы генерал наамын алышты

Президент Садыр Жапаров жогорку аскердик наамдарды ыйгаруу жөнүндө жарлыктарга кол койду.

Президенттин жарлыктарына ылайык, Коопсуздук кеңешинин катчысы Марат Иманкулов менен мурдагы коргоо министри Таалайбек Өмүралиев генерал-лейтенант чинин алды.

Ал эми азыркы коргоо министри Бакытбек Бекболотов менен УКМКнын төрагасынын биринчи орун басары – Чек ара кызматынын жетекчиси Уларбек Шаршеевге генерал-майор чини берилди.