Хабиб Нурмагомедов президент Садыр Жапаров менен жолугушту

UFC чемпиону Хабиб Нурмагомедов президент Садыр Жапаров менен жолугушту. Спортчу президент менен түшкөн сүрөттөрүн Instagramˈга чыгарган.

«Eagle FC мелдешин уюштурууга колдоо жана жардам көрсөткөнүңүз үчүн ырахмат айтам. Биз бул жакка келерки жылы да келебиз», — деп жазган ал.

Белгилей кетсек, Нурмагомедов Кыргызстанга Чолпон-Атада өтө турган өзүнүн аралаш мушташ боюнча Eagle Fighting Championship (EFC) лигасынын мелдешине конок катары катышуу үчүн келген. Мелдеш 3-августта болуп өттү.

Ал мелдеште кыргызстандык мушкер Бусурманкул Абдибаит уулу орусиялык Руслан Яманбаевден жарым жеңил салмакта чемпиондук курду талашып, аны нокаут менен жеңип алды.