Эгемендиктин 30 жылдыгына карата логотип тандалып алынды

Маданият, маалымат, спорт жана жаштар саясаты министрлиги жарыялаган Кыргыз Республикасынын көз карандысыздыгынын 30 жылдыгына арналган логотип тартуу сынагы жыйынтыкталды.

Маалым болгондой, атайын комиссия келип түшкөн бир нече материалдын ичинен маданиятка эмгек сиңирген ишмер Жаныш Жамурзаев, Сүрөтчүлөр союзунун мүчөсү Шакир Арыков, сүрөтчү Жеңиш Жанузаковдун биргелешкен автордук эмгегин тандап алган.

Белгилей кетсек, сынактын жобосунда жеке автор да, автордук топ да катышса болору көрсөтүлгөн.