Кыргызстанга Кытайдан 1 млн 250 миң доза вакцина алып келинди

Бүгүн, 11-июлда Кыргызстанга Кытайдан 1 млн 250 миң доза «Синофарм» вакцинасы алып келинди. Бул тууралуу Министрлер кабинетинен кабарлашты.

Анын 1,1 млн дозасын өкмөт сатып алган, калган 150 миң дозаны Кытай кайтарымсыз жардам катары берген.

1 млн 250 миң доза вакцина 625 миң адамды эмдөөгө жетет.

Кыргызстанда калктын 70 пайызын, же 2 миллион 187 миң 417 адамды эмдөөдөн өткөрүү керек. Анын ичинде артыкчылыктуу топтогу 1 млн 312 миң 450 адам эмдөөдөн өтүүсү зарыл.