Ушул жуманын аягында Кытайдан коронавируска каршы Sinopharm вакцинасынын 1 млн 250 миң дозасы келет. Бул тууралуу Министрлер кабинетинин төрагасынын орун басары Жылдыз Бакашова билдирди.
Анын айтымында, вакцинанын 1,1 млн дозасы бюджеттин эсебинен сатып алынса, 150 миңи Кытай тарабынан гранттык негизде берилген.
«Азыркы учурда ушул эле вакцинанын дагы 1 млн 250 миң дозасын айдын аягына чейин сатып алуу маселеси каралууда», — деди ал.
Ал белгилегендей, учурда эмдөөнү тездетүү үчүн медициналык мекемелерден тышкары соода борборлорунда, мектептерде, ири базарларда эмдөө пункттары даярдалууда.