Кыргызстандагы ири энергетикалык компаниялардын 1,3 млрд доллар кредити бар

Кыргызстандагы беш энергетикалык компаниянын донорлорго карызы 1,3 млрд долларды түзөт. Бул тууралуу Финансы жана экономика министрлигине таянып, Economist.kg сайты жазды.

Алар: «Бишкек жылуулук тармагы», «Түндүк электр», «Ош электр», «Электр станциялары», «Кыргызстандын улуттук электр тармактары» ачык акционердик коомдору.

Анын ичинен «Улуттук электр тармактары» ишканасынын алган насыясы көбүрөөк. 2020-жылдын 31-декабрына карата мекеменин эл аралык финансы институттарына карызы 787,6 млн доллар экени айтылды.

«Электр станцияларынын» — 457, 9 млн доллар;

«Түндүк электрдин» — 41,9 млн доллар;

«Бишкек жылуулук тармагынын» — 8.2 млн доллар,

«Ош электрдин» — 6,3 млн доллар карызы бар.

Кыргызстандагы энергетикалык компанияларга насыя Кытайдын Эксимбанкынан көп бөлүнөт. Ал 986,5 млн долларды түзөт.