Бишкекте «Жеңиш» автожүрүшү өттү

Бүгүн, 9-майда Бишкекте Улуу Ата Мекендик согуштагы Жеңиштин 76 жылдыгы белгиленүүдө.

Борбор калаада «Жеңиш» автожүрүшү өттү. Ал жыл сайын өтүп келген «Өлбөс полк» жүрүшүнүн ордуна уюштурулган. Анда катышуучулар аралыкты сактоо менен автоунааларга бөлүнүп отурушту.

Унаалар Фрунзе менен Эркиндик бульварынын кесилишинен баштап, Семетей көчөсүнө чейин жүрүштү.

Ошондой эле «Жеңиш» аянтында согуш жылдарындагы ырлар жаңырып, жарандар «Өчпөс отко» гүл коюшту.