Кыргызстандан Өзбекстанга маралдарды алып чыгууга аракет кылгандар кармалды

Кыргызстандын мамлекеттик чек арасынан сейрек кездешүүчү жаныбарлар — маралды алып өтүүгө аракет кылган жарандар кармалды. Бул тууралуу УКМКнын Чек ара кызматынан кабарлашты.

22-апрелде Кадамжай районунун Жаңы-Жер тилкесинде Айдаркен чек ара отряды «Toyota Previa» унаасын токтотушкан. Ал 1972-жылы туулган Кыргызстандык Т.Н. аттуу жаранга таандык экени аныкталган.

Унааны текшерүү учурунда 1 жаштан 4 жашка чейинки беш марал табылган. Төртөөнүн мүйүзүн омуруп салышкан.

Кармалган жарандар жаныбарларды Өзбекстанга жеткирүүнү көздөшкөн. Бирок айдоочунун тиешелүү документтери болгон эмес.

Учурда маралдардын базар баасы такталууда.

"Марал радиосу" Телеграмда

"Марал радиосу" Инстаграмда

Advertisement

Бахар Хакимова

1 пикир