Бишкектеги 7 шайлоо тилкесинин бюллетени кайра саналат

Бишкек аймактык шайлоо комиссиясы (АШК) 7 шайлоо тилкесинде Конституциянын жаңы долбоору боюнча референдумдун бюллетендерин кайрадан эсептеп чыгуу тууралуу чечим кабыл алды. Бул тууралуу БШКнын басма сөз кызматы билдирди.

Такталгандай, 2021-жылы 18-апрелде Бишкек АШК жыйын өткөрүп, анда «Клооп Медиа», «Жалпы иш» коомдук фонддорунан жана 12 саясий партиядан келип түшкөн кайрылуулар жана арыздар каралган.

Кароонун жыйынтыгында Бишкек АШК тарабынан №1028, 1029, 1107, 1243, 1246, 1336, 1339 шайлоо тилкелериндеги референдум (бүткүл элдик добуш берүү) боюнча бюллетендерди кайрадан эсептеп чыгуу тууралуу, андан тышкары төмөнкү шайлоо тилкелеринде добуш берүүнүн жыйынтыгын жараксыз деп табуу чечимин кабыл алган:

-№1158 шайлоо тилкеси – Бишкек шаардык кеңешине депутаттарды шайлоо боюнча;

-№1343 шайлоо тилкеси – Бишкек шаардык кеңешине депутаттарды шайлоо жана референдум.

Ошондой эле  №1024, 1029, 1034, 1038, 1054, 1111, 1122, 1123, 1127, 1132, 1139, 1142, 1148, 1206, 1230, 1234, 1239, 1246, 1301, 1315, 1321, 1323, 1327, 1348 шайлоо тилкелерине эскертүү берүү, №1243 жана 1333 шайлоо тилкесиндеги участкалык шайлоо комиссиясынын мүчөлөрү менен түшүндүрүү иштерин жүргүзүү чечими кабыл алынды.

Эскерте кетсек, 2021-жылы 11-апрелде жергиликтүү кеңештерге депутаттарды шайлоо жана референдум өткөн.