Covid-19 пандемиясынын аялдарга тийгизген таасири

Коронавирус пандемиясы айрыкча аялдарга терс таасирин тийгизди. Бул тууралуу Европа Комиссиясынын гендердик теңчилик боюнча отчетунда айтылат.

Маалым болгондой, пандемия аялдар менен эркектердин ортосундагы теңсиздикти күчөткөн. Мындан улам:

• үй-бүлөлүк зордук-зомбулуктун күчөгөнү байкалган;
• медициналык жана социалдык кызматкерлердин 76%ын, санитардык кызматкерлердин 86%ын аялдар түзөт. Пандемия ушул тармакта иштеген аялдарды болуп көрбөгөндөй кыйынчылыкка кептеп, ден соолугуна жана үй-бүлөлүк абалына терс таасирин берген
• Аралыктан иштөөгө мүмкүн болбогон (тейлөө, соода сыяктуу) тармактардагы аялдарга да олуттуу коркунуч жаралган.

«Covid-19 кризисинин аялдардын жашоосуна болгон ченемсиз таасирине карабастан, биз бул кырдаалды мүмкүнчүлүк катары колдонушубуз керек. Биз күч-аракеттерибизди күчөтүп, өнүгүүнү улантууга чечкиндүү кадам таштайбыз жана терс таасирге жол бербейбиз», — деди Евробиримдиктин теңчилик маселелери боюнча комиссары Хелена Далли.