Жалал-Абадда милиция кызматкерлери үй-бүлөлүк жана башка зордук-зомбулуктардын алдын алуу иштерин жүргүзүүдө. Бул тууралуу облустук Ички иштер башкармалыгынын басма сөз кызматы кабарлады.
Мунун алкагында, Ноокен РИИБи райондук администрация менен бирдикте «Зордук-зомбулуксуз жашоо» аталышындагы тегерек стол өткөрдү. Иш-чаранын жүрүшүндө зордук-зомбулук фактыларынын келип чыгуу себептери жана анын алдын алуу жолдору талкууланды.
Ал эми Токтогул РИИБнин кызматкерлери Бишкек-Ош унаа жолундагы кар көчкүлөрдү атуу жумуштарына жигердүү катышып жатат. Ошондой эле район аймагындагы мектептерде кылмыштуулуктун алдын алуу багытында түшүндүрүү иштери жүргүзүлүүдө. Жергиликтүү тургундар менен да жолугушуулар өткөрүлүп, үй-бүлөлүк зордук-зомбулукту болтурбоо зарылдыгы айтылууда.
Милиция кызматкерлери окуучуларды кылмыштуулуктан жана ар түрдүү кырсыктардан алыс болууга чакырды.