Биз менен байланышыңыз

УКМКнын алдына экс-муфтийдин тарапташтары чогулду

Кыска кабар | 11 Фев 2021 | 736 | 0
Сүрөт "Акипресстен" алынды

Бүгүн, 11-февралда УКМКнын имаратынын алдына экс-муфтий Максатбек ажы Токтомушевдин тарапташтары чогулду. Бул тууралуу «Акипресстин» кабарчысы жеринен билдирди.

Маалым болгондой, нааразылыкка чыккан 40ка жакын адам мурунку муфтий мыйзамсыз камалганын айтышып, аны бошотууну, бардык ишти мыйзам чегинде жүргүзүүнү талап кылып жатышат.

9-февралда «Ажылыкка баруу үчүн топтолгон акчаны жеке каржы булактарына кредитке берип, андан пайыз алып жүргөн, каржылык мыйзам бузууларга барган, муну жашыруу үчүн УКМК кызматкерлерине пара сунуштаган» деген шек менен муфтияттын башкы эсепчиси кармалган болчу.

Мындан улам 10-февралда муфтий Максатбек ажы Токтомушев кызматтан кетүүгө арыз жазган. Ошол эле күнү кечинде УКМК тарабынан камакка алынган.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM