Кадр тандоо боюнча Жарлык: Адеп-ахлакка көңүл бурулат

Президент Садыр Жапаров «Мамлекеттик жаңы кадр саясаты жөнүндө» Жарлыкка кол койду.

Анын максаты — мамлекеттик жана жергиликтүү өз алдынча башкаруу органдарына кесипкөй кадрларды, жаштарды тартуу, алардын моралдык-адеп-ахлактык сапаттарын жакшыртуу, мамлекеттик башкаруу системасында коррупциялык тобокелдиктерди азайтууну көздөйт.

Документке ылайык:

— мамлекеттик органдарга жана жергиликтүү өз алдынча башкаруу органдарына кадр тандоодо алардын кесипкөй жана моралдык-адеп-ахлактык сапаттарына көңүл бурулат;

—  кадр тандоодо жыныстык, улуттук, тилдик белгиси, ошондой эле майыптык белгиси боюнча чектөөлөргө жол берилбеши керек;

— адамдык потенциалга аяр мамиле жасоо, келечеги бар жаштарды кызматка кабыл алуу тартиби сакталышы керек;

— мамлекеттик жана муниципалдык кызмат орундарга кадыр-баркын түшүрүп алган, мурда коррупциялык кылмыштарга аралашкан адамдарды дайындоого тыюу салынат;

— кадрларды конкурс менен тандоо схемасын өркүндөтүү;

—  туруктуу негизде кадрлардын квалификациясын жогорулатуу;

— кызматтык милдеттерин талаптагыдай аткаруу үчүн жоопкерчиликти жогорулатуу каралган.

Жарлык тууралуу кененирээк маалыматты бул шилтемеден окуй аласыз.