«ТҮРКСОЙ» Кыргызстандагы маданий иш-чараларды өткөрүүгө көмөктөшөт

Маданият, маалымат жана туризм министринин милдетин аткаруучу Нуржигит Кадырбеков Эл аралык «ТҮРКСОЙ» түрк маданияты уюмунун башкы катчысы Дюсен Касеиновду кабыл алды. Министрликтин маалымат кызматы билдиргендей, тараптар Кыргызстанда бир катар иш-чараларды өткөрүүнү караган 2021-жылга карата иш-чаралар планын талкуулашкан.

«Опера ырчысы Болот Миңжылкыевдин 80 жылдыгы, композитор Рыспай Абдыкадыровдун 80 жылдыгы, кинорежиссер Болот Шамшиевдин 80 жылдыгы, жазуучу, котормочу Мукагали Макатаевдин 90 жылдыгы сыяктуу мааракелик иш- чараларга маани берилди», — деп айтылат маалыматта.

Өз кезегинде министр театрлардын жетекчилиги жогорудагы даталарды өткөрүүгө көмөктөшүүгө жана катышууга толук даяр экендигин кошумчалаган.

Ошондой эле, министр мындан аркы жемиштүү кызматташууга ишенимин билдирген.