АКШда турак үйдүн үстүнө учак кулап, каза тапкандар бар

АКШнын Мичиган штатында чакан учак турак үйдүн үстүнө кулап, үч адам каза болду. Бул тууралуу «Fox-2» телеканалы шериф Майк Бушарддын билдирүүсүнө шилтеме берүү менен кабарлады.

Алдын ала маалыматтар боюнча, кырсыктан учкуч жана учактын эки жүргүнчүсү каза болду. Учак кулаган турак үйдүн жашоочулары имараттан чыгып кетишкен.

Турак үйдүн жашоочуларынын арасында жабыркагандар жана каза болгондор тууралуу азырынча так маалымат жок.

Окуя боюнча тергөө иштери уланып жатат.