Күрөш боюнча машыктыруучулар сыйланды

Спортту өнүктүрүүгө кошкон салымдары үчүн күрөш боюнча машыктыруучулар сыйланды. Жаштар иштери, дене тарбия жана спорт боюнча мамлекеттик агенттигине караштуу Спорттун олимпиадалык түрлөрү боюнча дирекциясынын жетекчиси Жоомарт Шамканов 24-декабрда сыйлыктарды тапшырды.

«Кыргыз Республикасынын дене тарбия жана спортунун отличниги» наамы төмөнкү адамдарга берилди:

• Азат Эркимбаев, грек-рим күрөшү боюнча улуттук курама команданын башкы машыктыруучусу;
• Улукбек Карачолоков грек-рим күрөшү боюнча улуттук курама команданын ага машыктыруучусу;
• Арсен Эралиев, грек-рим күрөшү боюнча ага машыктыруучу (U-23);
• Исламбек Тазабеков, эркин күрөш боюнча ага машыктыруучу (U-23);
• Айбек Монолов, күрөш федерациясынын вице-президенти;
• Ахрор Иминов, күрөш федерациясынын вице-президенти.

Ошондой эле, кадеттер арасындагы кыз-келиндер күрөшү боюнча ага машыктыруучу Үсөналы Рыскулов, өспүрүмдөр арасындагы эркин күрөш боюнча ага машыктыруучу Нурдин Донбаев агенттиктин Ардак грамотасы менен сыйланышты.