ӨКМ: Новопокровка айылындагы өрттөн төрт адам каза болду

Иллюстрациялык сүрөт

Чүй облусунун Ысык-Ата районунда өрт чыгып, төрт адам каза болду. Бул тууралуу Өзгөчө кырдаалдар министрлиги кабарлады.

13-декабрь күнү саат 14:36 чамасында Новопокровка айылынын түштүк жагында жайгашкан кашардан өрт чыккан. Өрттүн жалпы аянты болжол менен 320 чарчы метрди түзөт.

Анын кесепетинен 1 аял, 1 кыз, 2 бала каза болду.

Тартылган күчтөрдүн жардамында өрт саат 15:14тө чектөөгө алынып, кечки саат 20:47де толук өчүрүлгөн.

Келтирилген материалдык чыгымдар жана өрттүн келип чыгуу себеби такталууда.