Биз менен байланышыңыз

Бейшеналиев Чүйдөгү авариялык абалдагы мектептерге барды

Кыска кабар | 25 Ноя 2020 | 419 | 0
Сүрөт интернеттен алынды

Билим берүү жана илим министри Алмазбек Бейшеналиев Чүй районунун Калыгул айылындагы Т. Оңолбаев атындагы орто мектебинин жаңы имаратынын курулуш иштери менен таанышты.

Аталган мектептин эскилиги жетип, авариялык абалга келгендиктен, 2020-жылдын август айында жаңы имаратынын курулушу башталган. Учурда мектептин 1-кабаты курулуп бүтүп, 2-кабатын куруу иштери жүрүп жатат.

Ысык-Ата районунун №3 Ивановка башталгыч мектебинин да эскилиги жеткен. 2018-жылдын январь айында жаңы мектеп куруу иштери башталган. Учурда каржылоо иштери үзгүлтүккө учураганына байланыштуу курулуш иштери 2-кабатка келип токтоп калган.

Бейшеналиев жогорудагы маселелерди чечүү үчүн тиешелүү адистерге тапшырма бергенин министрликтин басма сөз кызматы кабарлады.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM