Биз менен байланышыңыз

С гепатитин иликтеген окумуштуулар Нобель сыйлыгын алышты

Дүйнө , Кыска кабар | 7 Окт 2020 | 389 | 0

Быйыл физиология жана медицина жаатындагы Нобель сыйлыгы С гепатитин иликтеген окумуштуулар Харви Альер, Майкл Хоутон жана Чарльз Райска ыйгарылды. Бул тууралуу аталган уюмдун билдирүүсүнө таянып, дүйнөлүк басылмалар жазып чыгышты.

Маалыматка ылайык, окумуштуулар тарыхта С гепатитин дарылоого мүмкүн экендигин аныкташкан.

«Биринчи жолу С гепатит вирусун дарылоо мүмкүн экени аныкталды. Лауреаттардын медицина тармагындагы бул ачылышы өнөкөт гепатит илдетинин себебин аныктап, кан анализин жүргүзүүгө жана миллиондогон адамдардын өмүрүн сактап калган жаңы дарыларды пайдаланууга болорун далилдеди», — деп билдирген Нобель сыйлыгын ыйгаруу комитетинин өкүлдөрү.

Сыйлык тапшыруу 10-декабрга белгиленген. Ал онлайн форматта уюштурулмакчы.

Швециянын борбору Стокгольмдо сыйлыктарды тапшыруу аземин аралыктан өткөрүү үчүн чектелген сандагы адамдарды алып келүүчү телестудия түзүлөт. Жеңүүчүлөр менен онлайн режимде байланышууга болот.

Нобель сыйлыгы — илимий, маданий же өзгөчө изилдөөлөрдү жараткан инсандарга ыйгарылат. Сыйлык швециялык химик Альфред Нобелдин атынан негизделген.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM