Токаевдин кеңешчиси эми Мирзиёевге да кеңешчи болот

Европа реконструкция жана өнүгүү банкынын мурдагы президенти, Казакстандын президенти Касым-Жомарт Токаевдин кеңешчиси Сума Чакрабарти Өзбекстандын президенти Шавкат Мирзиёевге экономикалык өнүгүү, натыйжалуу башкаруу жана эл аралык кызматташтык маселелери боюнча кеңешчиликке дайындалат. Бул тууралуу Чакрабарти Твиттердеги баракчасына жазган.

-Өзбекстандын президенти Мирзиёев мени экономикалык өнүгүү, натыйжалуу башкаруу жана эл аралык кызматташтык маселелери боюнча кеңешчи кылып дайындаганына кубанып турам. Реформалар программасын ишке ашырууга көмөктөшүүнү чыдамсыздык менен күтүп жатам,- дейт ал.

Full of joy as I have just heard that President Mirziyoyev of Uzbekistan is appointing me as his Adviser on economic development, effective governance and international cooperation. Looking forward to helping him implement his reform agenda.

— Suma Chakrabarti (@SumaChakrabarti) September 14, 2020

Ошондой эле Чакрабарти 14-сентябрда Казакстандын президенти Касым-Жомарт Токаевдин экономикалык өнүгүү жана натыйжалуу башкаруу боюнча кеңешчиси болуп дайындалган.

Сума Чакрабарти Европа реконструкция жана өнүгүү банкын 2012-жылдан 2020-жылдын июлуна чейин жетектеген.

2016-жылдын сентябрында Өзбекстандын президенти болуп шайланган Шавкат Мирзиёев бир катар реформаларды баштап, коңшулары жана дүйнө өлкөлөрү менен экономикалык карым-катнашты чыңдоо аракетин көрүүдө.