Акыркы суткада коронавирус жуктурган 272 жаңы учур катталды

Кыргызстанда коронавирустан акыркы суткада 2 адам каза болуп, 272 жаңы учур катталды. Бул тууралуу Республикалык штабдан билдиришти.

Ал эми сутка ичинде 329 адам илдеттен сакайып чыккан.

15-августка карата өлкө боюнча коронавирус менен катталгандардын жалпы саны 41 645 адамды түздү. Анын 34 миңге жакыны айыгып чыгып, коронавирус жана пневмониядан жалпы 1493 адам каза тапты.