COVID-19: 14 бейтап каза болуп, 662 учур жаңы катталды

Бүгүн, 31-июлга карата Кыргызстанда коронавирус илдетинен 14 бейтап каза болду. Бул тууралуу Саламаттыкты сактоо министрлигинин коомдук саламаттыкты сактоо башкармалыгынын башчысы Айнура Акматова билдирди.

Анын айтымында, Бишкекте 2 бейтап каза болду, Ош шаарында — 1, Чүй облусунда – 3, Ош облусунда – 2, Нарын облусунда – 1, Ысык-Көл облусу боюнча – 4, Баткен облусунда – 1 бейтап көз жумду. Илдеттен көз жумгандардын саны жалпы 1378 болду.

Акыркы бир сутка ичинде коронавирустун 662 жаңы учуру катталды. Бишкекте — 221, Ош – 52, Чүй облусу – 42, Ош облусу — 81, Талас облусу – 22, Нарын облусу – 13, Ысык-Көл облусу – 82, Жалал-Абад облусу – 102, Баткен облусу — 47 учур катталды.

Кыргызстанда коронавирус жуктургандардын жалпы саны 35 миң 805ке жетти.

Коронавирустан айыгып чыккандардын саны акыркы суткада 1052ни түздү. Илдеттен жалпы 25 миң 526 бейтап сакайды.