Бишкекте беткап чыгарган ири цех ачылды (сүрөт)
«Бишкек» эркин экономикалык аймагында бир жолу колдонулуучу беткаптарды чыгаруучу цехтин ачылышы болду. Ага вице-премьер-министр Аида Исмаилова катышты.
Ата мекендик ишкерлер 160 миң доллар турган беткап чыгаруучу заманбап жабдууларды сатып алып, орнотушкан. Өндүрүштө алдын ала болжолго ылайык, суткасына 50-60 миң даана беткап чыгат. Беткаптар FRR1 тиби боюнча EN149:2001 европа стандартына дал келет.
Толук автоматташтыруу, анын ичинде беткаптарды автоматтык түрдө таңгактоо жана стерилдөө өндүрүштүн өзгөчөлүгү болуп саналат.
Бул долбоордун башкы милдети элди сапаттуу жана жеткиликтүү баадагы бир жолу колдонулуучу медициналык беткаптар менен камсыз кылуу болуп саналат. Ошондой эле, FFP3 стандарты боюнча № 95 респираторлорун чыгаруу пландаштырылууда.
-Пандемия шарттарында чек ара жабылгандыктан улам импорт кескин кыскарып, ата мекендик өндүрүштү өнүктүрүү актуалдуу болуп калды. Биз экономикабызды өнүктүрүүгө ата мекендик инвестицияларды тартууну, өлкөдө чыгарылган продукцияларды жакынкы жана алыскы чет өлкөлөргө, айрыкча, Евразия экономикалык биримдигинин рынокторуна экспорттоону колдоого алабыз. Өндүрүштүн баштапкы баскычында 25 жумуш орду түзүлгөн, мындан ары кызматкерлердин штатын жана чыгарылган өндүрүмдөрдүн түрүн көбөйтүү аркылуу өндүрүштү кеңейтүү пландалууда, — деди Аида Исмаилова.
Аба ырайы: Көпчүлүк аймакта жаан жаайт
Жоламан Шаршенбеков дүйнөлүк рейтингде 1-орунду сактап калды
Журналистика саясий кысым алдында: Сөз эркиндиги боюнча рейтинг жарыяланды
Президент Сузактагы окуя боюнча чара көрүлөрүн айтты
Сузактан Бишкекке жеткирилген кыздын башына операция жасалды
Президент Сузактагы окуя боюнча чара көрүлөрүн айтты
Журналистика саясий кысым алдында: Сөз эркиндиги боюнча рейтинг жарыяланды
БШК Баткенден Бактыяр Калпаевди депутат болуп шайланганын тааныды
Камчыбек Ташиев түнкү клуб ээлерине эскертүү берди
Ormonova Dilara
24.06.2020 16:49
Саламатсызбы ушул бет кап иштеп чыгырып аткан жерге жумушка кире аламбы
Бахар Хакимова
24.06.2020 18:08
0701110088 Бишкек эркин экономикалык аймагынын маалымат катчысынын номери, байланышып көрсөңүз.