«Ата Мекен» премьер-министрликке Элдар Абакировду сунуштады

«Ата Мекен» партиясы парламенттеги көпчүлүктү түзгөн коалицияга премьер-министрдин кызмат ордуна альтернативдүү талапкер катары экономика министринин мурдагы орун басары Эльдар Абакировду сунуштады.

«Эгер биздин демилгебиз колдоого алынса, Абакиров дароо партиядан чыгып, парламентке өз добушун койбойт. Азыр бизди Бороновдун убактылуу премьер-министр экендигине ишендирип жатышат. Бирок Жогорку Кеңешке шайлоодон кийин түзүлгөн министрлер кабинети келгиче күтө турганга мүмкүн эмес. Биз коалицияны жана анын айрым мүчөлөрүн Эльдар Абакировду колдоого чакырабыз, анын кризисти жеңүү үчүн жана пандемиядан келип чыккан шоктон кийин Кыргызстандын экономикасын «жүргүзүү» үчүн өзүнүн программасы бар», -деп айтылат маалыматта.

Эльдар Абакиров 2016-жылдын май айынан 2019-жылдын июль айына чейин Экономика министринин орун басары болуп иштеген.

«Жаңы дем» саясий альянсынын шайлоо алдындагы өнөктүгүн Жанар Акаев жетектей турганы кабарланган. Ал парламентке өтө турчу фракцияга лидер болорун «Ата Мекен» партиясынын лидери Өмүрбек Текебаев билдирген.

Кыргызстанда 6 саясий партия биригип, жаңы кыймылдын атын «Жаңы дем» деп аташкан.

Эльдар Абакиров 1981-жылы 14 апрелде Балыкчы шаарында төрөлгөн. Ал Казакстандагы Аль-Фараби атындагы мамлекеттик университетинин механикалык-математикалык факультетинин «бизнестеги маалыматтык система» адистигин окуган. Магистр даражасын «Информатика жана компьютердик инженерия» кафедрасында аспирантурада коргогон.

Кийинчерээк Кыргыз юридикалык академиясында «Финансы жана кредит» адистиги аяктаган. Кошумча кыска мөөнөттүү тренингдерди жана Европада квалификациясын жогорулатууну аяктаган.

Эмгек жолун казак-америкалык колледжде жана Казак улуттук университетинде Математика факультетинде программалоо мугалими болуп иштөө менен баштаган.

Кийинчерээк «Казак темир жолдору» илимий изилдөө институтунда аналитик-программист болуп иштеген.

«Банк ЦентрКредит» ААКынын Ресурстарды башкаруу борборунда, Казыналык департаментинде (Алматы), ошондой эле Кыргызстандын Улуттук банкынын Банктык көзөмөл бөлүмүндө эксперт болуп иштеген.

Мындан тышкары, туристтик бизнес, мейманкана жана ден-соолукту чыңдоочу комплекстерде директордун орун басары болгон.

2016-жылдын май айынан 2019-жылдын июль айына чейин Экономика министринин орун басары болуп иштеди.