Ошто электробустарды чыгарган «Кыргыз унаа курулуш» заводу ачылды (фото)
Ош шаарында электробустарды чыгара турган «Кыргыз унаа курулуш» заводу ачылды. Ага өлкө башчы Сооронбай Жээнбеков барып, ишмердүүлүгү менен таанышты.
Заводдун курулуш иштеринин биринчи этабы аяктап, завод өз ишин баштады. Ишканада 500гө чейин жумуш орундары түзүлдү, ал эми курулуш иштеринин экинчи этабы бүткөрүлүп, завод толук ишке киришкенде, жумуш орундарынын саны 5 миңге жетет.
Заводдо жеңил жана оор өнөр жай, айыл чарба тармагы үчүн комплекттөөчү шаймандар менен техникалар өндүрүлүп жатат, трансформаторлор менен акылдуу эсептегичтер иштелип чыгып, текшерүүдөн өтүүдө.
Ошондой эле, Кыргызстандан чыгарыла турган биринчи электробустун прототиби даярдалууда.
Мындан тышкары, чакан жана чоң гидроэлектрстанциялар үчүн зарыл болгон жабдуулар, анын ичинде гидротурбиналар менен генераторлор чыгарылууда.
Курулуш иштеринин биринчи этабына болжол менен 20 млн доллар сарпталган. Завод Европа жана Япониянын заманбап жабдуулары менен жабдылган.
«Акылман» президенттик лицейине кабыл алуу башталды (шарттары)
Муфтият блогер Айнура Сагынбаеванын айткан пикири боюнча билдирүү таратты
Президент Ош облусуна барат
Мал жандыктардын экспорту боюнча маалымат
Токтогул суу сактагычында 7,7 млрд куб метр суу бар
Түнкү клубтарды жабуу маңзат менен күрөшүүнү жеңилдетеби?
Сузак окуясы: шалаакылык үчүн жергиликтүү жетекчилер жаза алды
«Комуз — кыргыздын үнү». Коомдук ишмерлердин, комузчулардын пикири кандай?
Садыр Жапаров 9-майда Москвадагы парадга катышат