Эсептик чен өлчөмү 5% деңгээлинде сакталды

Улуттук банк эсептик чен өлчөмүн 5% деңгээлинде калтырды. Бул тууралуу онлайн маалымат жыйынында Улуттук банктын төрагасы Толкунбек Абдыгулов билдирди.

—Биринчи кезекте ал чечим, өлкөдө инфляциялык процесстер башталгандыктан кабыл алынды. Ушул жылдын апрель айында инфляция 8,6%ды түздү. Май айынын 15ине карата жылдык инфляциянын көрсөткүчү 7,5% болду. Ал нерселер учурда инфляциянын көтөрүлүшү бар экенин көрсөтүүдө, — деди Абдыгулов.

Улуттук банктын божомолу боюнча экинчи жарым жылдыкта инфляция төмөндөйт. Апрель-май айында инфляциянын көтөрүлүшү коронавирустан улам азык-түлүк бааларынын жогорулашы менен байланыштуу болду.