12-апрель: Кыргызстанда коронавирус жуктургандардын саны 377ге жетти

Бүгүн, 12-апрель саат 08:00гө карата коронавирус жуктурган дагы 38 жаңы учур катталды. Бул тууралуу Саламаттык сактоо министринин орун басары Мадамин Каратаев билдирди.

Ал билдиргендей, өлкө боюнча жалпы ооругандардын саны 377 кишиге жетти.

— Жаңы катталган 38 учурдун ичинен Бишкек шаарында – 5, Чүй облусунда – 3, Ош облусунда – 3, Ош шаарында – 12, Ысык-Көл – 2 жана Нарын облусунда – 13 адам бар. Булардын бардыгы обсервацияда жаткандар, 25и аял, 13ү эркек, — деди Каратаев.

Тастыкталган 377 учурдун аймактарга карата бөлүнүшү:

Жалал-Абад облусунда – 89
Ош облусунда – 119
Ош ш. – 54
Чүй облусунда – 21
Баткен облусунда – 4
Бишкек ш. – 59
Баткен облусунда – 4
Нарын облусунда – 25
Ысык-Көл облусунда – 6.

Бүгүнкү күнгө карата өлкө боюнча обсервацияларга 1 миң 25 адам жайгаштырылган. Ал эми анализге келип түшкөн үлгүлөрдүн саны 24 миң 885, бүгүнкү күндө 24 миң 356 анализ жасалды.