Мыйзамсыз ташылып келген 1 млн сомдук тамеки кармалды

Баткен обласунда “М.Э.Р.” аттуу Кыргызстандын жаранынын башкаруусундагы “CHEVROLEN CAPTIVA” үлгүсүндөгү транспорт каражаты токтотулуп, текшерген учурда мыйзамсыз ташылып келе жаткан “CAVALO” маркасындагы чыпкалуу 12 480 пачка тамеки продукциясы табылган. Бул тууралуу Мамлекеттик бажы кызматы билдирди.

Кармалган товардын жалпы баасы 998 миң 400 сомду түзөт.

Бул факты Кылмыштардын жана жоруктардын бирдиктүү реестрине катталып, материалдар тергөөгө караштуулугу боюнча өткөрүлүп берилди.