Рекорд: Роналдунун Инстаграмдагы катталуучуларынын саны 200 млн болду

Португалиялык футболчу Криштиану Роналду Instagram социалдык баракчасында жаңы рекорд койду. Футболчу Инстаграмдагы катталуучусу 200 миллионго жеткен алгачкы колдонуучу болду.

View this post on Instagram

Wow 200 million!!! Thank you to each and every one of you for sharing this journey with me every day!!👏🏽❤️

A post shared by Cristiano Ronaldo (@cristiano) on Jan 29, 2020 at 9:09am PST

«Ишене албай турам, 200 миллион. Мен күн сайын бул чөйрөдө мага шерик болгондордун ар бирине ыраазычылык билдирем»,- дейт Роналду.

Учурда Роналдудан көбүрөөк катталуучуга Инстаграмдын өзү гана ээ . Анын 330 млн катталуучусу бар.

Италиялык «Ювентус» жана Португалия курама командасынын чабуулчусу Криштиану Роналду аталган социалдык тармагында рекорд коюп, лидерликти бербей келүүдө.

Футболчудан кийинки орунда ырчы Ариана Гранде (173 миллион адам катталган) жана актер Дуэйн Жонсон (170 млн) турат.

Кошумчалай кетсек, интернетте көп изделүүчү сөздөрдү изилдеген SEMRush компаниясы, Роналду башка футболчуларга караганда көбүрөөк изделерин айткан. Маалыматка караганда, бир айда орточо 870 миң 500 ирет изделген.

2019-жылдын башында Роналдунун катталуулары 150 миллион адам болчу. Өткөн жылы Инстаграм аркылуу 49,711,188.00 $ киреше тапкан.