Биз менен байланышыңыз

Парламент «бажыдагы аткезчилик» маселесин кароону кийинки жумага калтырды

Кыска кабар | 27 Ноя 2019 | 538 | 0

Парламент жыйынында айрым депутаттардын бажыдагы аткезчилик маселесин кароо боюнча сунушу колдоо тапкан жок. Тагыраак айтканда, бул маселени кароо кийинки жумага калтырылды. Мунун себебин Жогорку Кеңештин төрагасы Дастанбек Жумабеков 27-28-ноябрдагы жыйындардын регламенти алдын ала бекитилгендиги менен түшүндүрдү.

-Өзүңүздөр билгендей, парламентте бюджет маселеси жана Конституциялык палатанын өкүлдөрүн шайлоо регламентке алдын ала киргизилген. Мындан улам, бажыдагы аткезчилик боюнча жалпы жыйындагы талкууну кийинки жумага калтырып турууну сунуштайм,-деп билдирди төрага.

Ал ошондой эле бажыдагы аткезчилик боюнча парламенттеги тармактык комитеттер иш алып барып жаткандыгын да кошумчалады.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM