Таласта Улуттук Көчмөндөр оюндары уланат

Таласта Улуттук көчмөндөр оюндары уланат. Бул тууралуу Өкмөттүн Талас облусундагы өкүлү Марат Мураталиев «Маралга» билдирди.

Эске сала кетсек, Таласта Улуттук көчмөндөр оюндары башталган. Бул иш-чара Кыргызстанда алгачкы ирет өткөрүлүп жатат. Программага ылайык, кечээтен тарта улуттук ат оюндары башталган. 19-сентябрдан баштап маданий иш-чаралар өткөрүлөт.

Ал арада кечээ Баткендин Лейлек районунун Максат, Овчу-Калача айылында кыргыз-тажик чек арасында эки тараптын чек ара аскерлеринин ортосунда ок атышуу болду. Андан 1 кыргыз аскери каза болуп, ондогон адам жаракат алган. Арасында жергиликтүү тургундар, өспүрүм балдар болгон.

Мындан улам социалдык тармактарда «Көчмөндөр оюндарын токтотуп, чек ара маселесин чечүү зарыл», — деген пикирлер айтылып, кызуу талкууланган.