Израиль президентинин жубайы дүйнөдөн өттү

Израилдин президенти Реувен Ривлиндин жубайы Нехама Ривлин 74 жашында көз жумду. Бул тууралуу «The Jerusalem Post» гезити билдирди.

Нехама Ривлин 1945-жылы төрөлгөн, 5-июнда 74 жашка толмок. Ал өпкө оорусунан жабыркап келген. Ушул жылдын март айында бир өпкөсүн алмаштырган. Мындан улам, Реувен Ривлин Канадага болгон иш сапарын токтотуп, Мекенине кайтып келген.