Орусия: «Кристаллдагы» жардыруудан жабыркагандардын саны 116га жетти

Орусиянын Дзержинск шаарындагы «Кристалл» заводунда болгон жардыруудан жабыркагандардын саны 116га жетти. Арасында жаш балдар да бар. Учурда алардын 17си ооруканада.

Эске салсак, 1-июнда аталган заводдо чоң жардыруу болгон. Мунун кесепетинен 220 имарат кыйроого учураган. Бузулган имараттардын катарында 20 мектеп жана 26 бала бакча бар. Кырсыктын себеби изилденүүдө.

Белгилей кетсек, «Кристалл» аскер өнөр-жай комплекси илимий-техникалык камсыздоо иштери менен алектенет.