8-9-июнда Дүйнөлүк роботтор олимпиадасы өтөт

8-9-июнда Кыргызстанда алгачкы жолу Дүйнөлүк роботтор олимпиадасынын (World Robot Olympiad) улуттук этабы өтөт. Бул тууралуу уюштуруучулар билдирди.

Маалыматка ылайык, Lego роботтору арасында жүргөн жана ар кандай категориялар боюнча жарыша турчу олимпиадага робототехника менен машыккан 10 жаштан 21 жашка чейинки балдар катыша алат.

Иш-чаранын негизги максаты: Кыргызстандагы инженердик билим берүү системасын түзүү, ошондой эле, Венгрияда өтө турчу дүйнөлүк роботтор олимпиадасына мыктыларды тандап алуу болуп саналат.