1135 эне «Баатыр эне» ордени менен сыйланат

Президент Сооронбай Жээнбеков көп балалуу энелерди «Баатыр эне» ордени жана «Эне даңкы“ медалы менен сыйлоо жөнүндөгү жарлыктарга кол койду. Бул тууралуу Президенттик Аппараттын маалымат кызматы билдирди.

Жарлыктардын негизинде Конституциянын 64-беренесинин 10-бөлүгүнүн 1-пунктуна ылайык, жети же андан көп баланы төрөп, тарбиялап жаткан 1135 эне «Баатыр эне» ордени, алты бала төрөгөн 470 эне «Эне даңкы» медалы менен сыйланат.

Жарлыктар кол коюлган күндөн тартып күчүнө кирет.