“Кыргызлифттин” 91 пайыз акциясы сатыкка коюлду

“Кыргызлифт” ишканасынын 91,95 пайыз акциясы сатыкка коюлду. Бул тууралуу “Сенти” финансылык компаниянын сайтына жарыяланды.

Акциялардын баасы так көрсөтүлгөн эмес. Ишкананын уставдык капиталы 3 млн 50,8 миң сом.

Аталган ишкана 1973-жылы негизделип, 1997-жылы “Кыргызлифт” деген аталышта кайра түзүлгөн. Анда лифттердин бардык түрлөрү чыгарылып, лифт жабдыктарын өндүрүүчү жеке базасы бар.