Кыргызстан быйыл 13,8 тонна алтын экспорттоду

Кыргызстан ушул жылдын башынан бери 13,83 тонна алтын экспорттоду. Бул тууралуу Улуттук статистика комитети маалымат жарыялады.

10 айдын жыйынтыгы боюнча Кыргызстан Кытай, БАЭ, Улуу Британия жана Швейцарияга жалпы суммасы 91 млрд 884 млн 391,9 сомдук алтын экспорттогон. АКШ долларынын эквивалентинде 1 млрд 64 млн 425,5 миң доллар болот.

Өткөн жылдагы көлөм менен салыштырганда быйыл алтындын экспорту 7,4%га көбөйгөн.

Кытайга — 1,8 тоннадан ашык,
Улуу Британияга — 11 тоннадан ашык
БАЭ жана Швейцарияга — 1 тоннага жакын алтын экспорттолгон.