Биз менен байланышыңыз

Мэр троллейбустар тууралуу шаардык депутаттарга түшүндүрмө берди

Кыска кабар | 30 Авг 2024 | 147 | 0

Кечээ, 29-августта Бишкек шаардык кеңешинин сессиясы өттү. Анда Бишкек шаарынын мэри Айбек Жунушалиев троллейбустар тууралуу шаардык депутаттарга кайрылды.

«Бүгүнкү күндө Бишкек мамлекет башчысынын колдоосу менен 1000 автобус менен камсыз болду. Биз бүгүнкү күндө шаарга коомдук транспорт керек экенин бир нече жолу айттык. Бул бизге эмне берди? Шаар ичинен 1,5 миңден ашык кичи автобустарды чыгардык. Троллейбус маселеси, «Ачык асман» шаарын түзүү жөнүндө сөз болуп жаткандай. Бул биздин программада болгон. Биз бүгүнкү күндөгү динамиканы токтотпошубуз керек. Автобустар бизге жаңы маршруттарды түзүүгө мүмкүнчүлүк берет», — деди калаа башчысы.
Ошондой эле ал мэрия троллейбустарды сатпай, аймактарга берип жатканын белгилеп, бул мамлекеттин, өлкө жетекчилигинин, мэриянын саясаты экенин кошумчалаган.

Мындан сырткары, Бишкектин аймагы үч эсеге көбөйгөнүн да айтты. «Бул жерде депутаттар отурат, баары азыр автобустар келбей жатат деген көйгөйдү айтууга даяр. Троллейбустарды таштайбыз, алар ошол жакка жетеби? Жаңы аймактарга жетүү үчүн биз мындан да көп мобилдүү автобустарды жана электр автобустарын сатып алышыбыз керек.

Биз бул ишти улантабыз жана бул маселеде сиздерден колдоо сурайбыз», — деп кошумчалаган шаар башчысы.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM