Бишкек жана Ош шаарларынан Ташкентке түз аба каттамдары ачылды

Бишкек жана Ош шаарларынан Ташкентке түз аба каттамдары ачылды. Бул тууралуу «Манас» эл аралык аэропортунун басма сөз кызматы билдирди.

«Тез Жет» авиакомпаниясы «Манас» жана «Ош» эл аралык аэропортторунан Өзбекстанга туруктуу каттамдарды аткарууга уруксат алган. Ошентип Кыргызстандан Өзбекстанга туруктуу каттамдардын саны көбөйтүлдү.

Бишкек — Ташкент — Бишкек жана Ош — Ташкент — Ош багыттары боюнча каттамдар RJ-85 жана MD-83 учактары менен аткарылат.