Бишкекте мектеп директору пара алып жаткан учурда кармалды
Борбор калаадагы мектептердин биринин директору пара алып жаткан учурда кармалды. Бул тууралуу УКМКнын маалымат борбору билдирди.
Маалыматта айтылгандай, балдарды 1-класска кабыл алууда, Бишкектеги мектептеринин биринин директору пара алып жаткан жеринен кармалды. Ага карата УКМК тарабынан КР Кылмыш-жаза кодексинин 343-беренеси (Опузалап пара талап кылуу) боюнча кылмыш иши козголуп, аталган мектептин директору К.А.Т. УКМКнын тергөө абак жайына киргизилди.
Такталгандай, директор К.А.Т.билим берүү тармагынын башка кызматкерлери менен келишим түзүп алып, балдарды биринчи класска кабыл алуу боюнча коррупциялык схеманы уюштуруп алган. Натыйжада ал баланы 1-класска киргизгени үчүн ата-энесинен опузалап акча талап кылган, эгер баш тартса, баланы мектепке киргизбейм деп коркуткан.
УКМК Бишкек шаарынын билим берүү тармагында дагы ушул сыяктуу фактылар көп экенин белгилейт.
Эртең Бишкекте белгилүү хирург Мамбет Мамакеев акыркы сапарга узатылат
УКМК төрагасына кол салууга шектелген жаран кармалды
Мобилдик тиркеме аркылуу акча которууда комиссия алуу убактылуу токтотулду
Токтогул суу сактагычында 12,8 млрд куб метр суу бар
Президент Жапаров Австрияга расмий сапары менен барды
Бишкек абасы булганган алдыңкы беш шаардын катарына кирди
Тогуз айда финансы секторундагы ишканалардын кирешеси 115 млрд сомдон ашты
Ноокаттын Көк-Жар айылында алты милиция пара алууга шек саналып кармалды
Жалал-Абад облустук сотунун судьялары баңги кылмышы үчүн соттолгон жаранды мыйзамсыз бошотушкан