Маалыматка караганда, каттоодон өткөн жергиликтүү жана чет элдик массалык маалымат каражаттарынын өкүлдөрүнүн саны 1299 адамды түздү.
Өзбекстанда мөөнөтүнөн мурда президенттик шайлоо 9-июлда өтөт. 8-майда азыркы президент Шавкат Мирзиёев мөөнөтүнөн мурда шайлоо дайындоо тууралуу конституциялык мыйзамга кол койгон.
30-апрелде референдум өтүп, Конституцияны өзгөртүүнү добуш берүүгө катышкан шайлоочулардын 90,21% колдогон.
Шайлоого Элдик-демократиялык партиядан Улугбек Иноятов, «Адолат» социал-демократиялык партиясынан Робахон Махмудова, Экологиялык партиядан – Абдушукур Хамзаев жана Либерал-демократиялык партиядан – Шавкат Мирзиёев катышат.
Өзбекстанда жаңы Башмыйзамга ылайык, президенттик мөөнөт эми беш жылдан жети жылга узартылат.
